يا طرابلس الحره، ارينا مليونه إنتخابيه ضاويه.

 يا طرابلس الحره، ارينا مليونه إنتخابيه ضاويه.  

  نداء الى أهل طرابلس: نبوا إنتخابات ضاويه. كما عودوكم أهل بنغازي وعودتموهم من نداءت بين الأخوة واستجابات سريعه نقول لكم : العاصمتين بنغازي وطرابلس لليبيا هم كالرئتين، ولن ولن تفلح البلد ان لم يتنفسان بانسجام و هاهي بنغازي إستنشقة الأنتخابات و نتائجها بفرح غامر، ونتج عنها خيرة أهلها ممن يمثلونها وهم من فئة القوي الأمين. فيا سكان طرابلس إنتخبوا القوي الأمين، والقوي الأمين هو البارع في عمله والأمين في دينه، فالله، الله لا تنسوا أهل الدين. فيا أهل طرابلس، إنتخاباتكم تحتاج المشاركه بقوه خوفا من بروز أصحاب مليونه الساحه الخضرة ولنا عبرتا في مصر وإنتخاب شفيق من فلول حسني مبارك. فيا طرابلس الحره، ارينا مليونه إنتخابيه ضاويه. يا من خرجتم هاتفين : ''يا بنغازي نحنا نداوي جروحك'' وكم بكيت وأنا أرى عين اليقين مشهدا من مشهد الصحابه في الايثار وهم مستنينا بحديث الرسول الكريم صلى الله عليه وسلم عندما قال :مثل المؤمنين في توادهم وتراحمهم وتعاطفهم مثل الجسد الواحد اذا اشتكى منه عضو تداعى له سائرالجسد بالسهر والحمى " فهلموا يا من خرجتم هاتفين : ''يا بنغازي نحنا نداوي جروحك'' للجهاد الأكبر في دعوة الناس و توعيتهم لانتخابات طرابلس القادمه إنشاء الله .

وليد عبد الرازق عمير